Kadre de vizito de Ges-roj Osioka (Moritaka kaj Taeko) al Tajvano oni aranghis por ili prezentadon de programo pri Hiroshima kaj kio okazis al ghi dum la atombombado antau chirkau 50 jaroj, kaj ghiaj sekvencoj. Ghi estis prezentita en du lingvoj: Esperanto kaj china kaj kun fotoj, kiuj aperis sur granda ekrano. Pingrong mezalta lernejo, kie ni havas kurson de Esperanto por 24 studentoj, donis ghian aud-vidan laboratorion por tiu prezentado, kvankam ghi okazis en sabato (la 29an de Decembro), kiam la lernejo ne havis kutimajn kursojn. Partopreni pli ol 30 E-istoj kaj neE-istoj de la urbo Pingtung kaj multaj estis impresitaj pro la prezentado, char eble ili neniam havis okazon informighi tiom detale pri la katastrofo. Post tiu prezentado, kiun gvidis S-ro Osioka Moritaka, lia edzino, Taeko, prezentis amuzan rakonton de S-ro Papero, kaj samtempe chiuj havante jhurnal-paperojn, faldis ilin por havi figurojn lau iro de la rakonto. Fine la partoprenantoj estis regalitaj per kukoj de Hiroshima kaj ankau ili havis okazon viziti ekspozicieton pri Esperanto. Ges-roj Osioka vizitis Tajvanon antau 25 jaroj kiel ilia mielmonata celo kaj nun ree ili celebris tiun datrevenon per rea vizito al tiu shatata loko de ili. Kvankam ili havis malmulte da tempo por privataj ghuoj, char preskau chiutage ili havis taskon movade! Interesitoj pri la fotoj de la evento, bv kontakti la raportanton au Prof. Cho (Abengo: ), kiu laboris pri la evento kiel interpretisto, fotisto kaj ankau tradukis la tekston pri Hiroshima kaj preparis ghin tauga por komputila prezentado. Reza Kheirkhah (Rezamenhof@...)